kokoti, (-a, -‘ia, kōtia, kōtia‘ia).

1. Cut (with blade), sever, reap.

Kua kokoti‘ia tōna pāpāringa ki te koi reta.
His cheek had been slashed with a razor-blade;

Kua kōtia te taura o te ‘oro‘enua.
The horse’s tether was cut;

Kua riri taku pāpā i te kōtia‘anga tāna a‘o tautai.
My father was angry when his fishing line was severed;

Kua kōtia te kā‘ui o te meika.
The bunch of bananas was cut off;

Kua kokoti te tangata tanu i te mou i tōna kāinga.
The planter reaped the harvest from his land;

Ko ta te tangata e ruru ra, ko tana ra ia e kokoti.
For whatsoever a man soweth, that shall he also reap (Gal. 6.7).

2. Divide up, allocate by division.

Kua kokoti au i tō māua ‘enua i rotopū ē kua ‘ōronga i tēta‘i potonga nō tā māua tamaiti.
I have divided our land in half and given a piece to our son;

Kua oti ‘iāku i te kokoti i tōna tu‘anga i tō māua ‘enua.
I’ve finished allotting him his share of our land.

3. Cut out, strike off, remove (from list or entitlement).

Nō te ‘akatau putuputu iā Tama, kua kokoti rātou i tōna ingoa i runga i te pēpa ‘akapapa‘anga.
Tama was absent so often that they took his name off the register;

Kua kokoti te mata‘iapo i te ingoa o Tere i runga i tō rātou ‘enua.
The head of the families cut Tere out of her share of the land. [-koti, rR.]