ora1

ora1,

1. v.i. (a) Live, survive, (be) alive, living.

Kāre ē ora tēnā ‘oro‘enua.
That horse won’t live;

Ko ia ‘ua tei ora i roto i te pūnanga.
He was the only one in the fort who survived;

Kua ora mai te pa‘ī mei roto i te ‘uri‘ia.
The ship came through the hurricane;

te au mea ora kātoatoa,
every living thing;

E opu ora ua ia ratou.
Take them alive


(2 Kings 10.14). (b) Escape, (go) free.

Ka ‘aka‘apa‘ia koe mē ora te mou‘āuri.
You‘ll get the blame if the prisoners escape;

Kua ora te ‘oro‘enua.
The horse has got away;

Mē tano tō‘ou taki‘anga i tō‘ou manako ki te ‘akavānui, kā ora koe.
You‘ll get off if you put your case properly to the judge. (c) Get better (of an illness).

Kua ora tōna maki.
The disease has left him;

Ko te vairākau tēnā i ora ai tōku mare.
That’s the medicine which cured my cough;

Kua ora tōna matapōiri.
He has come to. (d) Be safe.

Kā ora koe i roto i konei.
You‘ll be safe in here. (e) Lively, vigorous, energetic, expressive.

‘E tangata ora ‘aia i roto i te tārekareka.
He is full of dash and energy at sports;

māpū ‘ua ē te ora,
only young and lively;

‘E tangata va‘a ora i te tuatua.
He is a lively and expressive speaker. (f) Live (of electric wiring).

‘Auraka e ‘āmiri i te niuniu ora.
Don’t touch the live wire. (g) Having feeling, not numb or anaesthetised.

Kua vā‘i ora ‘ua te taote i tōna ‘ē‘ē.
The doctor lanced his boil without using an anaesthetic. (h) In greeting and valedictions.

Kia ora or kia orā na,
good day (etc. – a common greeting);

Kia orā na kōtou.
Greetings to you all;

Kia ora te ariki!
Long live the king!

2. n. (a) Life, safety, etc.

Ko tei ‘akarongo i te Tamaiti ra, ‘e ora mutu kore tōna.
Whosoever has believed in the Son shall have everlasting life. (b) Means of existence, sustenance.

‘E a‘a tō‘ou ora i tō‘ou no‘o‘anga ki runga i tēia motu tangata kore?
What did you live on when you were on this uninhabited island? (See oraora, ‘akaora(ora), ora‘anga; (tā)mata-ora.) [Pn. *hola.]

Leave a Reply