‘aka‘a‘ano

‘aka‘a‘ano, (-a, -‘ia), caus. ‘a‘ano. Make something wide, to widen.

Ka ‘aka‘a‘ano au i te urupae i tōna moenga.
I‘m going to put a wide border on her mat;

E ‘aka‘a‘ano i tēta‘i mānga i te ruru i tōku pona.
Make the belt on my dress a bit wider;

Kāre e rauka i te ‘aka‘a‘ano i tō‘ou tākai pare, kāre ‘e rava te kāka‘u.
It isn’t possible to make your hat-band any wider, there isn’t enough material;

Kāre koe e ‘aka‘a‘ano atu?
Aren’t you broadening it out?

‘aka‘a‘ao

‘aka‘a‘ao, (-a, -‘ia, -na), caus. ‘a‘ao. Dress sbdy in (ki) something.

Kua ‘aka‘a‘ao ‘aia i te tamaiti ki te kāka‘u.
She dressed the child in his clothes;

Kua oti iāku i te ‘aka‘a‘ao iāia ki te kāka‘u mā, mē i pē‘ea i repo ei.
I dressed him in clean clothes, I don’t know how they got dirty;

Kua ‘aka‘a‘aoa ‘aia ki te kāka‘u veruveru i tōna ‘akatūtū‘anga i te teata.
He was dressed in rags when he appeared in the film.