‘e‘eke

‘e‘eke, v.i., intens. of ‘eke1. Flow copiously, descend.

Kua ‘e‘eke ‘ua te toto i te puta‘anga tōna katu i te rākau,
the blood gushed when the pole struck him on the head;

Kua ‘e‘eke ‘ua te vai nā roto i tōna kāinga,
the water poured through his garden;

I nā konei rātou i te ‘e‘eke‘anga,
they scrambled down this way.
[‘eke1 rR.]

‘ānanau

‘ānanau, v.i., intens. or pl. ‘ānau. Give birth.

Kāre i ‘ānanau ake tāku au tīnana puakatoro.
My cows haven’t calved yet;

Nō te ‘ananau i tāna ngā tīnana puaka, nō reira i viviki ei tāna ‘ānana i te ra‘i.
His pair of sows gave birth to so many piglets that his herd increased rapidly;

‘E moa ‘ānanau tikāi tāku.
My hens are very good breeders (produce a lot of chicks).
[(‘ā-)nau rR.]

kavangū

kavangū, v.i., intens. kava1.

1. Very sour, bitter, acid, acrid, rancid.

Kua kavangū te rēmene.
The lemon was very sour;

Kua kavangū te ū.
The milk had a sour taste;

To ratou kavangu e tau ia ki te kavangu ovi ra.
Their poison is like the poison of serpents (Ps. 58.4).

2. (-a, -‘ia). Smart bitterly (of the eyes).

Ka kavangū‘ia tō mata e te aua‘i.
The smoke will make your eyes smart very painfully. [kava1, -ngū2.]

kokoi

kokoi, v.i., intens. or pl. koi1.

1. Very sharp-edged.

E kokoi maata oki to te reira i to te koke matarua ra
(Heb. 4.12). For it is indeed sharper than a two-edged sword.

Toka kokoi
(Job 41.30), sharp stones.

2. Very nimble, quick-footed.

‘E tamaiti kokoi ‘a Rua mē ‘oro nā roto i te tangata.
That boy Rua runs through the players very nimbly. [koi1 rR.]