tāpiripiri

tāpiripiri, (-a, -‘ia), fq. tāpiri.

1. Press something close to.

Kua tāpiripiria tōna vaevae maki ki te vai anu.
Cold compresses were applied to his bad leg.

2. Fasten or join something, patch (hole), assemble (machinery).

Tei te tāpiripiri tī vaevae mātou.
We are sewing the pieces of patchwork together;

Kua taratara tākiri ‘aia i tōna pātikara ‘ē kua tāpiripiri ‘aka‘ou i te oti‘anga i te tāmā.
He stripped his bicycle down and reassembled it after he finished cleaning it;

Kua tāpiripiri koe i te au puta i te puāngiangi mōtokā?
Have you patched over the holes in the car’s inner tube?

3. Approach close to.

Kua tāpiripiri te ume ki te pae i te toka. The ume
(fish) tucked themselves close in by the rocks. Tāpiripiri mōrava, to play a kind of tig.

Tē tāpiripiri mōrava nei mātou.
We‘re playing tig.

tāpiri

tāpiri, (-a, -‘ia, ia).

1. Bring something near to or beside, press something close to, apply a compress.

Ka rauka iā koe i te tāpiri mai i te ‘oro‘enua ki te pae i tēia tumu rākau kia kake atu au?
Could you manage to bring the horse up beside this tree stump so that I can get on?;

E tāpiri mai koe i te pi‘a ki te pae i te kaingākai.
Bring the box over close to the table;

I te ta‘e‘anga te toto i tōna putāngi‘u, kua tāpiri ‘aia i te kāka‘u anu ki runga i tōna rae.
When his nose started bleeding, he pressed a cold compress to his forehead. Kāka‘u tāpiri maki, lint.

2. Stick, seal, fasten or join something, patch (hole), put together, assemble (machinery).

Kua tāpiri ‘aia i te tuatua ‘akakite ki runga i te rākau ‘akakite‘anga tuatua.
He put (pinned or pasted) the notice up on the board;

Nāku i tāpiri i te tī kiro.
I sealed down the envelope;

Kua tāpiri ‘aia i te pēpa ki te kurū.
He stuck the paper with the glue;

Kua tāpiri ‘aia i te ‘āuri ‘ati ki te ‘apinga tāpiri ‘āuri.
He soldered the broken pieces of iron together;

Kua tāpiri ‘aia i te puta o te puāngiangi pōro.
He patched over the hole in the football bladder. Tāpou tāpiri ‘āuri, solder.

3. Approach close to.

‘Auraka e tāpiri ki te pāruru o te ‘are, kā kī tō pona i te pēni.
Don’t get (too) close to the wall of the house, you‘ll get paint all over your shirt.

4. Close down.

Kua tāpiri‘ia tāna kimi‘anga.
His business was closed down.