pātia

pātia, (-‘ia).

1. Stab, inject, nail, pierce.

Kua pātia ‘aia i te ika ki te ‘āuri.
He stabbed the fish with the spear;

Kua pātia te taote i tōku rima ki te vairākau māriri.
The doctor gave me an anti-malaria injection in the arm;

Kua auē te tamaiti i tō te taote pātia‘anga iāia.
The child yelled when the doctor gave him an injection;

Tē pātia nei au i tēia pi‘a ‘ei ‘a‘ao i te ‘ānani papa‘ā.
I‘m nailing this box together to put the mandarines in;

E ‘apai mai koe i te kōropā ‘ei pātia i te va‘arua.
Bring the crowbar to pierce a hole with.

2. Stake (plant), pitch (tent).

Tē pātia nei au i tēia pā tōmāti.
I‘m staking this row of tomatoes;

patia iora i tona puakapa i reira,
and then pitched his tent there (Gen. 12.8).

3. Drive nail, stake, etc.) in.

Kua pātia ‘aia i te mātipi ki runga i te pū nū.
He drove the knife into the coconut-palm trunk;

Kua pātia ‘aia i te kō,
he drove the husking stake into the ground;

Kua pātia‘ia te reva teatea ki te pae i te mataara ‘ei ‘akakite ki te taote ē, ‘e tangata maki tei tō rātou ‘are.
A white flag was driven into the ground at the side of the road to let the doctor know that there was someone sick in their house.

4. Shuffle (cards).

E pātia koe i te pere.
Shuffle the cards.

5. v.i. Dive, plunge through the air.

Kua pātia te pa‘īrere ki raro ē kua titiri i te paomu.
The plane dived and dropped the bomb;

Kua pue‘u te ika i te pātia‘anga te manu ki roto i te tai.
The fish scattered when the bird dived into the sea.

6. n. A forked stake driven into the ground to support fishing nets spread out to dry.

E ‘akairi kōtou i te kupenga ki runga i te pātia,
prop the nets up on the stakes.

7. a pronged stabbing spear (‘āuri pātia).

E ‘ōake koe kiāia i te pātia.
Let him have the stabber.

8. Strut joining the outrigger float (ama) to the outrigger arm

(kiato).
Te pātia o te ama, the strut of the outrigger float.

9. Injection.

‘E pātia ‘akamarū mamae tēia.
This injection is to ease the pain.
(see pātiatia.)
[Ce. *paa-tia.]

pātiatia

pātiatia, (-‘ia) v.i., fq. pātia.

1. Stab, pierce; dive; injections, etc.

Kua pātiatia ‘aia i te vā‘angā punu ki te naero ‘ei ma‘ani punga.
He pierced holes in the sheet of tin to make a grater;

Kua pātiatia‘ia te au kōpū i tāna kāpati e te tamariki ki te rākau.
Children had been stabbing his cabbages with sticks.

2. v.t., n. Tattoo.

‘E tūtū va‘ine tei pātiatia‘ia ki runga i tōna umauma.
The figure of a woman was tattooed on his chest;

‘E mānea te pātiatia i runga i tō rima.
That is a fine tattoo on your arm.
[pātia Rr.]

‘ou1

‘ou1, v.i. Bend down, bow, duck, dive, droop.

Kua ‘ou ‘aia ki mua i te ‘akavānui.
he bowed to the judge;

kua ‘ou ‘aia ki raro i tōku moto‘anga iāia.
he ducked when I threw a punch at him;

kua ‘ou te to‘orā ki roto i te tai ē kua ngaro.
the whale dived and disappeared;

kua ‘ou te ‘ātava o te rākau ki raro nō te māviriviri i te ‘ua.
the branches were weighed down with the bunches of fruit. (See ‘ou‘ou1, ‘aka‘ou, ‘aka‘ou‘ou.)