taurua

taurua, (-‘ia) = tairua.

1. Partner, fellow (of a pair), companion (one of two people).

Ko‘ai tō‘ou taurua i ‘aere mai ei?
What partner did you come with?;

Kāre ‘ua te taurua o teia pea marū.
One of this pair of boxing gloves is missing.

2. To pair or team sbdy off with a partner.

Ka taurua au iāia kiā Pere.
I‘m going to team him up with Pere;

E ngari iā koe, kua tauruā‘ia koe i te ‘anga‘anga.
You are lucky, you’ve got a mate to work with.

3. Paired off.

Ka taurua tēnā ‘oro‘enua ki tē‘ea?
Which horse are you going to team that one up with?

tairua1

tairua1, (-‘ia). Pair up with, team up with another to make a pair, partner (tr.).

‘E mea ngō‘ie ‘ua kia tairua‘ia tēnā ‘oro‘enua ki tēia kā kika ai i te tumu rākau ki te pae.
It should be quite easy to team your horse up with this one and get the treetrunk dragged out of the way;

Tēia tēta‘i ‘oro‘enua ‘ei tairua i tō‘ou i te kika‘anga i te ‘ārote.
Here is a horse to team up with yours to draw the plough;

Ka tairua tēnā ‘oro‘enua ki tē‘ea?
Which horse are we going to team this one up with?

2. n. Partner, fellow (of two).

Koia tōku tairua.
He is my partner;

Tē kimi tairua nei au nōku nō te ‘oro tāpekapeka vaevae.
I‘m looking for a partner for the three-legged race;

Tei ‘ea te tairua o teia vaevae tāmaka?
Where has the other shoe gone?

kāpiti

kāpiti, (-a, -‘ia).

1. Put or come together, combine, unite, associate, team up.

‘Auraka e kāpiti i te ‘ānani kino ki te ‘ānani meitaki.
Don’t put the bad oranges in with the good ones;

KĀpiti i te vai ki te tī mēni.
Add water to the cement;

Kia oti te ‘akari ē te nū i te ‘a‘aki, kua kāpiti‘ia ‘okota‘i putunga.
When the dry coconuts and the drinking coconuts had all been picked, they were put together in a heap;

Kua kāpiti ‘ua te Māori ē te Papa‘ā i te ‘āriki‘anga i te manu‘iri.
Māoris and Europeans joined in welcoming the guests;

I tō rātou kāpiti‘anga ki te ‘are teata, kua ‘akamata rātou i te ‘akatupu pekapeka.
As soon as they came together at the cinema, they started causing trouble;

Kua kāpiti te au pātireia o te ‘au ārai i te tamaki‘anga i topa ake nei.
The allies joined forces in the last war;

I tō rātou ‘oro kāpiti ‘anga ki te rē, kua ‘ōpara ‘a Tā iā Tere.
Tā gave Tere a shove as they raced together for the winning-post;

E ‘apai mai koe i ngā pi‘a ‘ānani kāpiti i roto i te ‘are.
Fetch the two boxes of oranges which are standing together in the shed;

Kua ‘apai kāpiti‘ia mai rāua ki te ‘are maki.
The two of them were taken to hospital together;

Kua kāpitia te tamariki tāvarevare ki te pi‘a ‘okota‘i ē kua ako‘ia.
The children who came late were assembled in one room and warned;

Kua ‘aere kāpiti rāua ki te tu‘epōro.
They went to the rugby match together;

E tī pū koe i te rau o ngā nū kāpiti i mua i te ‘are.
Cut the leaves of the pair of coconut trees standing together in front of the house.

2. n. Partner, fellow (of a pair).

E kimi mai koe i tēta‘i kāpiti nō‘ou.
Find yourself a partner. (See kāpipiti.) [kā-3, -piti.]