ākeri

ākeri, (-a, -‘ia).Dig out, scoop out, remove (from a hole or container), extract (teeth), resurrect (topic or old grievance).

‘E ākeri i te ‘ānani ki va‘o mei roto i teia pi‘a.
Take the oranges out of this case;

Kua kitea te mātipi i tōku ākeri‘anga i te ‘apinga ki va‘o mei roto i tōna pūtē piripou.
The knife was discovered when I turned out his trouser pockets;

Kia pou te toka i te ākeri ki te pae, kā keri ei tāua i te va‘arua kia ‘ō‘onu.
When we’ve taken all the stones out and put them aside then we‘ll dig the hole deeper.
[ā-3, keri.]

‘uaki,

‘uaki, (-a, -‘ia, -na). Uncover, remove (esp. lid or covering), bring to light, open (door, window, book).

Kua ‘uaki ‘aia i te va‘arua meika.
He uncovered the banana storepit;

E ‘uaki i tēia vā‘angā punu kua tūtae‘auri.
Take off this sheet of iron that is rusty;

Kāre e rauka te tāpoki punu i te ‘uaki, kua pipiri.
The lid of the tin won’t come off, it is stuck;

E ‘uaki ki te kapi ono.
Open your books at page six;

Kua ‘uaki ‘aia i te tīkiro.
He opened the envelope;

‘Uakina te moenga kia purūmu‘ia te repo.
Take the mats up so the floor can be swept;

Kua ‘uaki ‘aia i te au tuatua tei tupu i tō rāua pekapeka‘anga mua.
He dragged up again all the things that were said during their first quarrel.
[Ce *suaki.]

kirikiriti

kirikiriti, (-a, -‘ia), fq. kiriti (1). Remove, subtract, open (door).

Kua kirikiriti te kāmuta i te naero i runga i te pāruru ‘are.
The carpenter removed the nails in the walls;

E kirikiriti kōtou i te au rākau mēmeitaki i raro i te ‘are ki va‘o.
Pull out the good pieces of wood that are under the house;

Kirikiritia tō kōtou tāmaka repo.
Take off your dirty shoes. [kiriti rR.]

kiriti

kiriti, (-a, -‘ia).

1. Remove, take off, take out.

Kua kiriti au i tōku pona.
I took my shirt off;

Kiritia tō‘ou pare.
Remove your hat;

Kua kiriti ‘a Tā i tōna ingoa ki va‘o.
Tā took his name off (the list);

Kua kiriti ‘a Tau iāia ki va‘o i te pupu.
Tau left him out of the team;

Kua tāuru ‘aia i tōna rima ki roto i te pūtē ē kua kiriti mai i te pēpa.
He put his hand in his pocket and took out the letter;

E kiriti koe ‘ē rua pā taro.
Pull up two rows of taro;

‘E taruā kiriti ‘ōu tēia. This taruā
(a kind of dry-land taro) is newly dug.

2. Take away, subtract, deduct.

Kua kiriti‘ia tōna tā‘onga.
His title (or position) was taken from him;

E kiriti ‘ē toru mei roto i te rima.
Subtract three from five.

3. Open (door).

E kiriti koe i te ngūtupa kia tomo mai te tangata ki roto.
Open the door so people can get in.

4. Extract (information), quote (from source), note down.

‘E tuatua kiriti tēia mei roto mai i te puka ‘akapapa‘anga.
These words were quoted from the record book;

Kua kiriti te tēkeretere i tā Mata tuatua ki roto i te puka.
The secretary copied Mata’s information into a book;

Kua kiritia tō rātou ingoa e te ‘akavā.
The policeman made a note of their names.

5. Write (Ait. dial., cf. Rar. tātā). (See kirikiriti, kirititumu.)