rōra

rōra,

1. v.i. Roll.

Kua rōra te pa‘ī.
The ship rolled.

2. (-‘ia, rōrā‘ia). Use a roller, roll sthg.

Tē rōra nei mātou i te ngā‘i tēniti‘anga.
We are rolling the tennis court.

3. To roll up, roll.

Kāre e piri meitaki tō‘ou rōra‘anga i te tāpōrēni.
You haven’t rolled the tarpaulin up very tight;

Rōra‘ia mai te moenga pāpōro kā mā‘ū i te ua.
Roll up the cricket mat, it will get soaked out in the rain.

4. n. A roller.

Kīkaia mai te rōra.
Drag the roller over here;

Kua nā runga‘ia te au pi‘a ‘ānani i te rōra i te taria‘anga ki roto i te ‘are vairākau.
The boxes of oranges were pushed over the rollers into the fumigation chamber.

5. A roll (of paper, tape, etc.).

Tei konei te rōra pēpa auaro ‘are.
Here is the roll of wallpaper.

‘E paoke rōra tēpu tēia, mē nā‘ai rā.
Here is a box containing rolls of tape, I don’t know whose it is;

‘e rōra ‘āpakaraoni,
a stack of halfcrowns.
[Eng. roll.]

pōtaka, porotaka

pōtaka, porotaka,

1. (-‘ia). Roll, spin, twirl.

Tē pōtaka nei au i tēia taramu ki raro i te pū kuru.
I‘m rolling this drum under the breadfruit tree;

Kua arumaki te puakāoa i te paoti i tōku pōtaka‘anga nā runga i te matie.
The dog chased the tin when I rolled it along on the grass;

Kua ‘uri ‘aia i te uira o te pātikara ki runga ē kua pōtaka.
He turned the bike upside down and spun the wheel round;

Kua pōtaka ‘aia i te pēni.
He twirled the pencil.

2. n. Spinning top, teetotum (Ait. dial.).

3. Hoop made from coconut leaflet.
[pō-2 or poro-3, taka1.]

pōkaikai

pōkaikai, (-a, -‘ia), v.i., fq. pōkai1.

1. Roll, coil, wind round and round.

Kua puta tōna rima i te niuniu i tōna pōkaikai‘anga.
He stabbed his hand on the wire when he was rolling it up;

Pōkaikaia mai te taura.
Coil the rope up.

2. n. Coils, rolls, reels, etc.

‘E au pōkaikai rau‘ara tēia, mē nā ‘ai i ‘apai mai.
There are some coils of pandanus here, but I‘m not sure who brought them;

Ko koe ra te aere, ka tatau ei i te pokaikai, taau i tata i toku nei vaa,
so you must go, and read out from the scroll what you have written down from my lips (Jer. 36.6).
[pōkai1 RR.]

pōkai1

pōkai1,

1. (-a, -‘ia), v.i. Roll up, coil up, wind round and round.

Kua pōkai te va‘ine i te moenga ē kua tāpeka ki te taura.
The woman rolled the mat up and tied it around with string;

Kua pōkai‘ia te māpu ē kua tuku‘ia ki roto i te kāparāta.
The map was rolled up and put in the cup-board;

Kua pōkai rāua i te kupenga ki runga i te rākau.
They rolled up the fishing net around the pole;

E pōkai meitaki koe i te taura.
Coil the rope up neatly;

Kāre i piri meitaki te rau‘ara i tōku pōkai‘anga.
I didn’t coil the pandanus strips tightly enough;

E pōkai koe i tōna ‘ē‘ē ki te ko‘u vairākau.
Rub this bag of ointment round and round his boil;

‘E na‘o tītī‘ara tērā e pōkai ‘uā ra i roto i te roto.
That is a shoal of trevally swimming round and round in the lagoon.

2. n. Clew, coil, (wound) ball, roll, reel.

Tēia te pōkai a‘o tautai.
Here is a ball of fishing line;

Nā‘au tēia pōkai niuniu?
Is this your coil of wire?;

Kua ‘oko pōkai taura muramura mai au.
I’ve bought a reel of red cotton.
[Pn. *pookai.]

tā‘uri‘uri

tā‘uri‘uri, fq., dim. ta‘uri. Rock from side to side, roll, lurch.

Kua mataku ‘aia ko te ta‘uri te poti i te tā‘uri‘uri‘anga.
When the boat rolled, he was scared it might capsize.

‘E no‘o‘anga tā‘uri‘uri tēnā, ‘auraka e no‘o ki reira.
That chair wobbles, don’t sit there;

Kua ‘aere tā‘uri‘uri te mokorā.
The duck waddled along;

‘Aere tā‘uri‘uri mei tā te mokorā.
Waddle like a duck.

tātī poki

tātī poki, (-a, -‘ia).

1. Turn something upside down, roll it right over, capsize it.

E tātī poki i te kumete.
Turn the wooden bowl upside down;

Kua tātī poki‘ia te vaka kia kore e kī i te ua.
The canoe was turned upside down to prevent it filling with rain.

2. Turn, roll, or fall over face down, capsize.

Kua tātī poki te vaka.
The canoe capsized;

Kua tātī poki ‘aia ki raro mei runga i te pātikara.
He fell off the bike;

Kua auē ‘aia i tōna tātī poki‘anga.
She cried when she fell over.

3. Liable to capsize.

‘E vaka tātī poki ‘ua tēnā nō te māmā i te ama.
That canoe is always capsizing because the outrigger float is too light.

tākai

tākai, (-a, -‘ia).

1. Tie, bind, wind or wrap something around, roll something up.

E tākai i te ‘une ki te kāka‘u mā.
Put a clean bandage around the sore;

Tākaia te tā‘ei ki runga i tō kakī .
Wind the scarf around your neck;

E tākai i te ko‘u kia piri.
Tie the parcel up tight;

Nāringa i mako te tākai‘anga, kāre rāi e matara.
It won’t come loose if it’s bound around properly;

Tākaia tō rāua mata ka ‘apai mai ei ki roto nei.
Blindfold them before you bring them in here;

Tākaia te tēpu.
Roll up the tape.

Kāka‘u tākai maki, bandage.

2. n. A band or binding around something, a roll.

Ea‘a te tākai i tā‘au ko‘u?
What is your parcel tied up with?

Tākai pare, hatbands.
Tākai rau‘ara, roll of pandanus.

[Ce. *taakai.]

‘opa

‘opa, (‘opā‘ia), n. Wrap up, (do up into) a package, parcel, bundle, roll.

E ‘opa i te varāoa ki te pēpa.
Wrap the loaves in paper;

Kua ‘opā‘ia te pēpe ki te tauera i te oti‘anga i te pā‘ī .
The baby was wrapped in a towel after his bath;

Nā ‘ai tēia ‘opa?
Whose parcel is this?;

Tikina mai tēia ‘opā ika.
Come and get his parcel of fish;

Kua ‘oko ‘opa kāka‘u ‘aia.
She bought a roll of fabric. (See ‘opa‘opa.)