ākeri

ākeri, (-a, -‘ia).Dig out, scoop out, remove (from a hole or container), extract (teeth), resurrect (topic or old grievance).

‘E ākeri i te ‘ānani ki va‘o mei roto i teia pi‘a.
Take the oranges out of this case;

Kua kitea te mātipi i tōku ākeri‘anga i te ‘apinga ki va‘o mei roto i tōna pūtē piripou.
The knife was discovered when I turned out his trouser pockets;

Kia pou te toka i te ākeri ki te pae, kā keri ei tāua i te va‘arua kia ‘ō‘onu.
When we’ve taken all the stones out and put them aside then we‘ll dig the hole deeper.
[ā-3, keri.]

varo1

varo1, (-a, -‘ia).

1. Hollow out, scoop out.

E varo koe i tēia puta kia ma‘ata mai tēta‘i mānga.
Hollow this hole out to make it a little bit bigger;

E tāmata i te varo i te ‘akari kia pou mai ki va‘o.
Try to scoop all the meat out of the coconut;

Kua varoa tēia ngā‘i i te purūmu e te vai-puke.The flood waters have scooped out this hollow in the road; Kua nga‘anga‘ā te ni‘a o te kauvai i te varo‘ia‘anga e te vai.
The banks of the stream had given way through the erosive action of the water.

2. Deep, hollow, booming sound.

Mē ‘akarongo‘ia mai te varo o tēia tau i uta, e ngaru tika ai ā tai nei.
When the booming sounds from this point are heard inland, the sea is very rough indeed;

Te ‘akarongō ra koe i te varo pa‘u?
Can you hear the boom of the drum?
[Ce. *waro.]

varovaro

varovaro, (-a, -‘ia), fq. varo1. Scoop out, hollow out.

Mē varovaro koe i te one i tēnā ngā‘i, ka pururū te toka ki raro.
The boulder will fall down if you scoop the soil out from there;

Varovaroa te kiko nū ki te tīpunu.
Scoop out the flesh of the drinking nut with a spoon.
[waro1 RR.]

karo1

karo1, (-a, -‘ia).

1. Scoop out.

Kua karo ‘aia i te pā‘ua.
He scooped the (flesh of the) oyster out (of its shell);

E karo koe i te ngā‘i pē o te taro.
Dig out the rotten part of the taro;

‘Auraka e karo i te ‘iti o te va‘arua, ka pururū te one.
Don’t hollow out around the sides of the hole, the earth will fall in;

‘E ngā‘i karo‘anga pā‘ua tēia, ‘e ‘apinga tika ai te anga.
This is where they’ve been scooping out the oysters, there are such a lot of shells.

Karo ngatā, hard to budge or persuade.

‘E tangata karo ngatā tēia.
It’s a job to budge him.

2. n. Scooping or gouging instrument, two-edged knife for cutting oysters from their shells.

Tēia te karo meitaki ē te koi.
Here is a good sharp gouging knife.

(See ‘ī karo(karo), tī karo(karo).)

[Ep. *karo.]