roka

roka, (-‘ia, rokā‘ia), (Bib. loka).

1. Lock, secure.

Kua roka au i te pā, tikina mai te tāviri.
I have locked the door, come and get the key;

Kāre tāua e tae ki roto, kua rokā‘ia te pā.
We can’t get in, the door is locked;

E roka atu i tēia pēpa ki roto i te kāparāta.
Lock these papers away in the cupboard.

2. A lock, padlock.

Kā rave roka mai au nō tēnā ngūtupa.
I‘m going to get a lock for that door;

‘Ē toru rāi ēia paoke roka.
There are just three packets of padlocks here. Roka ‘ātui, padlock.
[Eng. lock.]

ketaketa

ketaketa, v.i. Firm, taut, sturdy, strong, secure.

Kua ketaketa te poupou.
The posts are firm;

E ‘akaeta kōtou i te taura kia ketaketa.
Pull the rope tight;

ketaketa vaitata i te motu,
taut to breaking point;

E mou kia ketaketa te taura, ‘auraka e ‘akakaru iā rotopū.
Keep the rope tight, don’t let it sag in the middle;

‘E tangata kōpapa ketaketa ‘a Tere.
Tere has a strong physique;

‘E ‘apinga tikāi te ketaketa i tōna ni‘o.
He has terrific strength in his teeth;

Kia ketaketa, e kia maroiroi roa, auraka e ngarangara
(Deut. 31.6). Be strong and of good courage, fear not;

tēta‘i pūnanga ketaketa,
a secure fort. [keta RR.]