piriaro

piriaro, n. Any (under) garment worn snug on the upper part of the body: vest, slip, jersey, cardigan. Piriaro mā‘ana-‘ana, warm (wool) pullover, cardigan. Piriaro rima poto, short-sleeved vest, singlet.

‘E piriaro rima poto tā‘au e ‘a‘ao nā roto, ‘ei va‘o ake te pona.
Wear a singlet underneath, and a shirt over it. Piriaro tāne, man’s vest, singlet. Piri-aro tu‘epōro, football jersey. Piriaro ‘uru‘uru, woollen sweater.
[piri1, aro.]

pateka

pateka, v.i. Slip, slide easily; smooth, slippery, sleek (of hair).

Kua pateka ‘aia ki raro mei runga i te toka.
He slipped down off the rock;

‘Auraka e ‘eke nā kona, e ngā‘i pateka tēnā.
Don’t get down that way, it is slippery there;

E pateka ngō‘ie ‘ua ana te pi‘a kaingākai.
The table drawer slides easily;

E a‘u pateka koe i tēia rākau.
Plane this timber down smooth;

E peru koe i tō‘ou rauru kia pateka meitaki.
Comb your hair nice and slick.
(see ‘akapateka, tāpateka, (‘aka-, tā-)pātekateka.)

patere

patere, v.i. Slip or slide along or down, slip through (the grasp).

E tāpū koe iāia kia kore ‘aia e patere.
Hold on to him so he won’t slip;

Kāre au e ‘aere nā kona, nō te patere i tēnā ngā‘i.
I‘m not going that way, it is (steep and) slippery;

‘E mea patere ‘ua te mereki i roto i tōku rima.
The plate just slipped through my fingers;

Mē patere te taura i roto i tō‘ou rima kā peke tō tātou pupu pūtōtō taura.
If you let the rope slip through our hands, our tug-of-war team will lose.
[pa-, tere.]

pa‘eke

pa‘eke, v.i. Slip, slide, slope suddenly or steeply downwards.

I tōna pa‘eke‘anga ki raro i te ō kua mou tōna piripou ki runga i te aka rākau ē kua nga‘ae.
As he was sliding down into the valley he caught his pants on a root and tore them;

Tē pa‘eke ‘uā ra te vai i tēnā tua i te ō.
The water is rushing down that side of the valley;

Ka ‘oki tāua, ‘e ngā‘i pa‘eke ‘ua tēia.
Let’s go back, this place is too steep;

Kua pa‘eke taku puke vaevae ē kua ‘inga au ki raro.
My feet went from under me and I fell down.
[Pn. *pa-seke.]

pā‘eke‘eke

pā‘eke‘eke, v.i, fq. pa‘eke. Slip, slide steeply.

Kua pa‘eke‘eke te maunga ki te kauvai.
The mountain sloped steeply down to the river;

Kua ‘īmene rātou ma te avaava i tō rātou pā‘eke‘eke‘anga mai.
They sang out and whooped as they came sliding down.
[pa‘eke Rr.]

tere

tere,

1. (-a, -ia). Slice, pare, peel (with knife, using skimming movement as in whittling a stick).

Kua motu tōna rima i tōna tere‘anga i te rākau ki te toki.
He cut his hand trimming the piece of timber with the axe;

‘E mātipi tere ‘ānani tēia i kāvea mai ei.
This knife was brought along to peel the oranges with;

Kā tere te pākiri i tō ‘ānani ki te a‘a?
What are you going to peel your orange with?;

Terea te pākiri o te rākau.
Whittle the skin off that stick (or bark off the bough etc.).

2. n. Slicing or peeling implement.

‘Ea‘a te tere i tā‘au taro?
What are you going to peel your taro with?

3. v.i. Slide, slip, drift, skim, skid, run or flow along.

Kua tere te a‘o i roto i tōna rima.
The line ran through his fingers;

Kua tere tōna vaevae i tōna tū pō‘itirere‘anga ē kua ‘inga ‘aia ki raro.
His feet skidded out (from under him) as he pulled up suddenly and he tumbled down;

Tē tere atū ra te potonga rākau nā raro i te vai.
The log is drifting away downstream.

4. Be under way (as ship), sail along, swim along, journey along, travel, go.

Kia matakite ko te topa koe ki roto i te tai mē tere te pa‘ī
. Watch out you don’t fall overboard when the ship gets under way;

‘E mangō tērā e tere atū ra.
There is a shark swimming away there;

Tē terē ra kōtou ki ‘ea?
Where are you going?;

Tereria mai ki te ‘are.
Come along to the house, all of you. Tereria rā, goodbye.

5. n. A trip, voyage, journey.

‘Ea‘a i roa ai tō kōtou tere ki te moana?
Why has your voyage taken so long?

6. Errand, purpose of journey.

‘Ea‘a tō‘ou tere ki tō mātou ‘enua?
What is the purpose of your visit to our country?

7. Rate of travel, speed.

‘Ea‘a te tere o te mōtokā tā tātou e ‘aere nei?
How fast is this car travelling now?

8. Travelling or touring party, expedition, tour, trip.

Kua tae mai te tere o ngā tamā‘ine ā Tu‘i.
The travelling party of Tu‘i’s daughters has arrived;

Kua ‘akatupu tere te ariki ka tūroto i te vai ānuanua. The ariki
got up a travelling party to visit the rainbow stream;

Ko ia te pū tere.
He is the leader of the expedition;

‘E tere tōna i ‘aere ei.
He went on a tour.

9. v.i. Run its course.

Mē tere te teata, ka ‘ārāvei au iā koe ki te ngūtupa.
I‘ll meet you at the entrance when the film is over;

Kua tere te pure.
Prayers are over,

kua tere te ‘āpi‘i,
school is over. 10. Make good speed, run well, make good progress, do well, flourish (as business etc.).

‘E vaka tere tō‘ou i te tākie.
Your boat runs well under sail;

Kāre te ‘anga‘anga e tere mē ‘akapue‘u rikiriki koe i te au mema.
The work won’t make very much progress if you get the members (of the organisation) at odds one with the other;

Kā tere te reira toa mē ‘uapou te tangata kātoatoa ki reira ‘oko ei.
The store will do well (be a going concern) if everyone goes there to buy things. 11. Be in excess, over and above, show a surplus or profit, extra.

Kua tere te moni i tōna tiēni‘anga mai.
He gave me too much change;

Kua ‘ī tae mātou i tā rātou kai i te pā‘anga mua ē kua tere ‘ē rima nga‘uru.
We overtook their first innings total and went on to gain a lead of fifty runs;

‘Ī toru ā mātou kai tere i tō mātou tārērē tēniti‘anga ki te ‘Ārorangi.
We finished three games up in our tennis tournament against ‘Ārorangi. Moni tere, interest (as opposed to

tino moni
capital), profit, etc.

Ko te moni tere tāna i ko‘i, kua vai rāi te tino moni.
It was the interest he withdrew, there is still the capital sum. 12. n. Surplus, interest, profit.

‘ī rima āku paunu i tuku ei ki roto i te pāngika, ko te tere tēia i teia mata‘iti.
I’ve got five pounds in the bank and this is the interest on it for the year;

‘Ei te ‘openga mata‘iti e kitea ai te tere o te toa.
We‘ll see how much profit the shop has made at the end of the year.
[Pn. *tere.]

teretere

teretere, fq. tere.

1. (-a, -‘ia). Slice.

Kua teretere ‘aia i te ngā‘i kino o te kūmara.
He’s sliced the rotten parts off the kumara;

Ka meitaki ‘ua i te teretere i tēta‘i mānga kia iti mai.
It won’t do any harm to trim it a bit smaller;

Tereterea te pākiri o te au poupou ka ‘akatū ei.
Trim the bark off before you put the posts in.

2. Slide, slip, drift, move about, (be) loose etc.

Kua teretere ‘ua tōna vaevae i runga i te one i tōna tāpū‘anga i te taura.
His feet kept slipping in the sand as he took the strain on the rope;

‘E rākau teretere ‘ua tēnā, pātiā‘ia.
That plank is quite loose (moving about), nail it down;

Nō te teretere i te rākau nō reira i tāpeka‘ia ai.
The timber was tied down because it was moving to and fro.

3. Sail along, travel, etc.

Tērā e teretere maī ra ‘a ‘Ina mā mei te tango patito.
There come ‘Ina and her friends back from getting sea-hares;

Kua teretere te au vaka tautai ki te moana.
The fishing canoes put out to sea.

4. Stretch, give.

Kā teretere te rima i tō pona mē ‘uti‘uti koe.
You‘ll stretch the sleeves of your shirt dragging on them.