pa‘e

pa‘e, (-a), v.i. Swerve, turn, change, direction.

E pa‘e koe i te vaka i konei, ‘e ma‘ata te kaoa i mua i kō.
Turn the canoe here, there are a lot of rocks ahead;

Kua pa‘e ‘aia i te torōka ki te pae i te mataara i te puta‘anga te kiri.
He pulled the truck over to the side of the road when the tyre punctured;

Kua topa te tamaiti ki roto i te tai i te pa‘e‘anga te ‘oro‘enua.
The boy fell into the sea when the horse swerved;

Kua pa‘e ‘aia ki roto i te ‘are toa.
He turned into the shop.
(see pa‘epa‘e, ‘akapa‘e-(pa‘e), tāpa‘e(pa‘e).)

tārere

tārere, (-a, -‘ia).

1. Send sbdy or something swinging or flying through the air.

Kua tārere ‘aia iāku ki roto i te tai.
He swung me into the sea;

Kua ‘opua te puakaoa ki runga i te taringa ē kua tārerea ki va‘o.
The dog was seized by the ears and flung outside;

Kua ‘aere viviki ‘aia nā roto i te urupū tangata ma te tārere ‘aere i tōna rima.
He made his way quickly through the crowd, elbowing his way.

2. v.i. Swerve, swing around.

Kua tārere te mōtokā ki tēta‘i tua ē ki tēta‘i tua i te mataara.
The car swerved from one side of the road to the other.

ue

ue, (-a,-‘ia). Shake, disturb, shift, realign, swing round, change direction, deviate, swerve (intr. and tr.), change (topic or opinion).

‘Auraka e ue i tēnā rākau tanu ‘ōu, kā mate.
Don’t shake that newly-planted tree, it‘ll die;

Kua pururū te ‘āpapā puka i tōna ue‘anga i te puka i raro roa.
The pile of books fell over when he shifted the book at the bottom;

Kua ue ‘aia i te poti ki katau kia kore e ū ki runga i te toka.
He swung the boat to the right to avoid hitting the rock;

Kua ue ‘aia i te mōtokā ki te pae.
He swerved the car to one side;

Kua ue te matangi ki te tonga.
The wind shifted into the south;

Kua topa te ua i te ue‘anga te matangi.
The rain came as soon as the wind changed;

Kāre e rauka i te ue i te uira i mua, kua keta ki roto i te vari.
The front wheels won’t turn (from side to side) they are stuck in the mud;

Uea ā runga i te pou tēta‘i manga ki kaui.
Push the top of the post over to the left a bit;

Nāna i ue kē i te tuatua i tupu ei te pekapeka.
It was his changing the subject that started the row;

Kua ue ‘aia i tōku manako, inārā kāre au i ‘āriki.
He tried to get me to change my mind but I wouldn’t have it.

Kua ue ‘aia i te mata o te keke i te oti‘anga i te ‘akakoi.
When he finished sharpening them he reset the teeth of the saw. Ue matā-keke, a saw-set. Ue kē, to lead astray.
[Pn. *ue.]