mārikonga

mārikonga, n. 1. Orderliness, regularity, system (usually with a negative).

Kāre ‘e māriko‘anga, mārikonga kore.
There is no order (system, coherence); chaotic, disordered.

Kāre ‘e mārikonga i tāku one ‘ānani, kua peke ‘ua ā roto i te ketua e te puaka.
My orange grove is in a dreadful state, the pigs got in and turned it all up with their rooting;

Kāre ‘e māriko‘anga i tēia tamaiti; i tēta‘i rā kā ‘oki mai ki te kāinga, i tēta‘i rā kā no‘o atu ki Ngātangi‘ia.
You never know where you are with this child; one day he‘ll come home, and another day he‘ll stay over at Ngātangi‘ia;

‘E mārikonga kore tika ai tō tātou kāinga, ‘e mea meitaki kia tāmā‘ia āpōpō.
Our place is in a right mess, a good thing to get it cleared up tomorrow;

‘E tangata mārikonga kore koe i tā‘au ‘anga‘anga.
There is no system in the way you work;

Kāre ‘e mārikonga i tāna tuatua.
There is no rhyme or reason in what he says.

2. Avail, advantage, use, point.

Kāre ‘ua ‘e mārikonga te manako.
It is useless trying to think;

Kua tautā ‘ua atu rāi au kia rauka, kāre ‘ua rāi ‘e mārikonga.
I kept trying to obtain it, but to no avail.

‘aka‘anga‘anga

‘aka‘anga‘anga, (-‘ia), caus. ‘anga‘anga. Make sbdy or something work, set to work, operate (a machine), use for a purpose.

E ‘aka‘anga‘anga pakari koe ia rāua.
Make them work hard;

‘Eia‘a koe e ‘aka‘anga-‘anga ‘ua ia mātou! Ka ‘akapē‘ea rātou?
Don’t overwork us! What about them?;

Kua ‘aka‘anga‘anga rāua i te pāmu.
They used (operated) the pump;

Kua ‘aka-‘anga‘anga ‘aia i tōna kite.
He made use of his knowledge;

Kāre e rauka ‘aka‘ou ia rātou i te ‘aka‘anga‘anga i tō rātou au rima.
They were not able to use their hands again;

Kua ‘aka‘anga‘anga‘ia te parūnu ‘ei tiaki i te ‘ōire ma‘ata.
Balloons were employed to defend large cities.

tā‘anga‘anga

tā‘anga‘anga, (-‘ia). Employ, use, put to work.

Ka tā‘anga‘anga‘ia kōtou mē ‘aere ki tōna kāinga.
He‘ll put you to work if you go to his place (home);

‘E tangata tā‘anga‘anga tēia ia mātou i te au pōpongi katoa.
This man makes us work every morning;

Kua tā‘anga‘anga ‘aia i tōna kite.
He put his knowledge into practice;

Kua tā‘anga‘anga te ngā‘i mā‘ani‘anga kāka‘u ‘ē rima nga‘uru tamā‘ine.
The factory employed fifty girls.