maikuku

maikuku, n. Nail, claw, hoof.

Maikuku rima,
fingernail.

Kua ‘akautunga te pū-‘āpi‘i i te tamariki maikuku rima repo.
The teacher punished the children who had dirty fingernails.

Maikuku vaevae,
toenail.

Tei te tīpūpū maikuku vaevae au nō Pere.
I‘m cutting

Pere’s
toenails;

Kua pāraku te kiore ngiāo i toku vaevae ki tōna maikuku.
The cat scratched my leg with its claws;

te maikuku o te ‘oro‘enua,
the horse’s hoof.
[Np. *maikuku.]

pātia

pātia, (-‘ia).

1. Stab, inject, nail, pierce.

Kua pātia ‘aia i te ika ki te ‘āuri.
He stabbed the fish with the spear;

Kua pātia te taote i tōku rima ki te vairākau māriri.
The doctor gave me an anti-malaria injection in the arm;

Kua auē te tamaiti i tō te taote pātia‘anga iāia.
The child yelled when the doctor gave him an injection;

Tē pātia nei au i tēia pi‘a ‘ei ‘a‘ao i te ‘ānani papa‘ā.
I‘m nailing this box together to put the mandarines in;

E ‘apai mai koe i te kōropā ‘ei pātia i te va‘arua.
Bring the crowbar to pierce a hole with.

2. Stake (plant), pitch (tent).

Tē pātia nei au i tēia pā tōmāti.
I‘m staking this row of tomatoes;

patia iora i tona puakapa i reira,
and then pitched his tent there (Gen. 12.8).

3. Drive nail, stake, etc.) in.

Kua pātia ‘aia i te mātipi ki runga i te pū nū.
He drove the knife into the coconut-palm trunk;

Kua pātia ‘aia i te kō,
he drove the husking stake into the ground;

Kua pātia‘ia te reva teatea ki te pae i te mataara ‘ei ‘akakite ki te taote ē, ‘e tangata maki tei tō rātou ‘are.
A white flag was driven into the ground at the side of the road to let the doctor know that there was someone sick in their house.

4. Shuffle (cards).

E pātia koe i te pere.
Shuffle the cards.

5. v.i. Dive, plunge through the air.

Kua pātia te pa‘īrere ki raro ē kua titiri i te paomu.
The plane dived and dropped the bomb;

Kua pue‘u te ika i te pātia‘anga te manu ki roto i te tai.
The fish scattered when the bird dived into the sea.

6. n. A forked stake driven into the ground to support fishing nets spread out to dry.

E ‘akairi kōtou i te kupenga ki runga i te pātia,
prop the nets up on the stakes.

7. a pronged stabbing spear (‘āuri pātia).

E ‘ōake koe kiāia i te pātia.
Let him have the stabber.

8. Strut joining the outrigger float (ama) to the outrigger arm

(kiato).
Te pātia o te ama, the strut of the outrigger float.

9. Injection.

‘E pātia ‘akamarū mamae tēia.
This injection is to ease the pain.
(see pātiatia.)
[Ce. *paa-tia.]

pātiti

pātiti, (-a, -‘ia). Nail, drive in (a nail, stake, peg).

Tē pātiti nei au i te tāpoki i tēia ngā pi‘a.
I‘m nailing down the lids of these boxes;

Kua pātitia te naero ki runga i te pāruru ‘are ‘ei ngā‘i ‘akairi‘anga i te pereue ua.
A nail was driven into the wall for somewhere to hang the raincoat on;

Kua pātia ‘aia i te rākau ki roto i te one ē kua tāpeka i te puakani‘o ki runga.
He drove the stake into the ground and tethered the goat to it.
(see pātitititi.; cf. Tah. paatiti.)