‘oko‘oko

‘oko‘oko, (-a, -‘ia, na), fq. ‘oko1. Buy, sell, trade.

Ka ‘aere au ka ‘oko‘oko mānga ‘apinga nō te Kirī timiti.
I‘m going to buy a few things for Christmas;

‘ī rima paunu tāna i rauka i tōna ‘oko‘oko‘anga i tāna ‘aratita.
He made five pounds when he sold his peanuts;

Kua pou te merēni i te ‘oko‘okona.
The melons were all bought;

te aronga ‘oko‘oko toa,
the shopkeepers;

Kāre e ‘akatika‘ia te ‘oko‘oko i te rā Tāpati.
Sunday trading is not permitted. [‘oko RR.]

‘oko1

‘oko1,

1. (-a, -‘ia, -na.). Barter, sell, buy, bribe.

Kā ‘oko au i teia ‘oro‘enua kiā koe, ‘ē rua nga‘uru paunu.
I‘ll sell you this horse, it’s twenty pounds;

Kāre au e ‘inangaro i te ‘oko, ‘e ma‘ata roa te moni.
I don’t want to buy it, it’s too dear;

‘Ī rua paunu i tōna ‘oko‘anga mai kiāku.
He sold it to me for two pounds;

Ka ‘okoa mē tuku māmā koe i te moni.
It‘ll be bought if you put a low price on it;

Kua ‘oko ‘aia i taua tangata.
He bribed the man. ‘Oko pikika‘a, deal falsely, doublecross.

2. n. Price, payment.

‘E a‘a te ‘oko i tēna piriaro tu‘epōro?
How much is that football shirt?;

Ko te ‘oko tēia i te ‘oro‘enua tei mate iāku.
Here is the payment for the horse I killed. ‘Oko ma‘ata, dear, expensive. ‘Oko māmā, cheap.

Tēia te ‘āpara ‘oko māmā.
Here are the cheap apples. ‘Oko pātē, auction sale.

Tei te toa o Pūtara te ‘oko pātē.
There is an auction at Pūtara’s shop. (See ‘oko‘oko, ‘o‘oko, ‘aka‘oko.) [Pn. *soko.]